何依婷恨扮天線得得B嚇窒林泳淘

林泳淘（左）與何依婷騷美腿夠晒吸睛。

藝人林泳淘、何依婷、王卓淇、鄧以婷及尹詩沛等昨日以動漫大使身份出席動漫電玩節2018開幕典禮，眾女露腰又晒腿，雖然沒有誇張的Cosplay打扮，但足以吸引大批龍友狂影。

何依婷笑言睇唔明漫畫的順序，因此喜歡動畫及打機，問會否喜歡御宅族（宅男）？她笑說：「愛係冇分咩族，有火花就得，可能我都係宅女，成日匿喺屋企。（之後會唔會Cosplay？）我想扮天線得得B，好得意，或者着住肉色衫扮嗰個太陽！」嚇得身旁的林泳淘眼都凸埋！

本身是電玩發燒友的林泳淘，因工作關係經常訪問Cosplay玩家，昨日她繼續留在現場，自己Cosplay大玩一番，雖然不性感，但打扮用心、造型亮麗。

無綫否認裁員

同場的無綫總經理鄭善強回應近日無綫配音組炒4人一事，他否認裁員：「我哋好多員工係合約制，嗰四位同事係唔續約，係正常運作。（會唔會填補番四個空缺？）未必，但係合約制係多啲彈性，會根據公司需要增多減少。」對於有傳戲劇組將裁員及16號錄影廠將於拍攝《解決師》後停廠，他說：「我唔知，應該冇呢回事，要等外事部回應。」

林泳淘與眾動漫大使出席動漫電玩節2018開幕典禮。

身為電玩發燒友的林泳淘當然要Cosplay盡興。