張智霖驚變黃牙中佬

向來官仔骨骨的張智霖（Chilam）在電影《L風暴》中喬裝菲律賓人，除了要貼紋身貼紙，更要戴上黃牙牙套，他說：「可以嘗試唔同造型覺得好好玩，能夠畀觀眾新鮮感，唔介意醜，演員尺度應該要大，咁先會更好睇。」張繼聰片中要用幾句不流利的菲律賓話試探Chilam，臨急抱佛腳的他笑說：「嗰個感覺好似細個考試咁，臨入試場前狂背，考完出嚟好似冇睇過。」
向來行靚仔路線的Chilam，新片改風格扮醜。
向來行靚仔路線的Chilam，新片改風格扮醜。

另外，Chilam與太太袁詠儀（靚靚）向來恩愛，昨午約四時，他們以情侶裝上陣在中環拍拖行街。戴黑超的二人接連步入兩間名店挑選心頭好，靚靚左揀右揀時，Chilam乖乖地坐在一旁等待，但靚靚最終沒有斬獲，兩人之後步往附近街頭上車，由司機接載離開。

Chilam昨日陪靚靚行街揀衫。
  • Chilam昨日陪靚靚行街揀衫。