冰島大解放！李彩華拖三猛男鴛鴦浴

Rain忙裏偷閒，浸溫泉鬆一鬆。

Rain今年忙得不可開交，接拍了一部花五億人民幣製作的劇集《昆侖歸》，遠赴多個地方取景，包括冰島、德國、天津、西藏和新疆等，估計至年底才會完成拍攝工作。她連月來隨隊飛到不同地方，在冰島一站忙裏偷閒，與同劇演員鄭曉東、朱泳騰及包小松等去了當地著名的Blue Lagoon Spa浸溫泉浴。如此美景，Rain亦來個大解放，罕有地換上性感泳衣上陣騷身材，更與三名猛男一同浸浴，相當香艷！

擺明𥄫嘢 任影唔嬲

共浴期間，三名猛男眼見美人配靚景，機會難逢，紛紛拿手機拍攝，Rain充當模特兒在水中展示美態，表現自如，未見半點尷尬！她透露首次踏足冰島感覺新鮮，故不用埋位開工時，便與其他演員外出觀光。問到與三名猛男共浴，可有尷尬？她笑說：「咁去溫泉浸浴，個個都係咁着o架啦，又唔係冇着衫褲，唔會尷尬嘅！不過佢哋個個都操到好大隻，真係我人生中第一次同咁多肌肉男共浴，大開眼界！」她透露今次拍攝與男演員對手戲較多，並說：「我哋都好鍾意影相，我又鍾意畀人影，所以會約埋出去一齊互影，咁我係女仔，自然充當咗模特兒。」

三位猛男難得同Rain共浴，拎住手機狂影！	Rain	首次踏足冰島的Rain趁空檔四出觀光。