舊愛陳豪開工冇得陪老婆仔女飛
廖碧兒舊愛陳豪昨晨到電台為陳琪主持的節目擔任嘉賓，他表示去年已計劃讓老婆陳茵媺在暑假帶孩子到加拿大，可惜自己要開工未能同行。陳琪建議他像老公胡諾言一樣，全家旅行只是去一半時間：「上次佢送我哋上雪山就返香港拍劇，個女喊晒呀，我老公唔敢望！」
對於無綫結束16廠的運作，陳豪坦言沒聽到認識的人受影響：「喺演員角度，少咗個廠，拍得咪仲密？不過高層有佢哋原因嘅。（擔心公司有財政問題嗎？）如果製作少咗，收入就會有影響。如果製作一樣，少個廠即係成本少咗，收入應該有增長。」至於可擔心裁員會影響藝人或要減薪？他認為藝人是製作的一部分：「我哋有份參與，應該唔會啩？」