索媽楊思琦最多Like男女通殺
今年寫真戰的戰況非常激烈，多種風格任君選擇，一眾寫真集女主角為谷銷量各師各法，今集東網巨星節目有主持人禮賢同學帶大家回顧一下，還親到書展現場做街訪，收集最貼地調查！
寫真集乃每年書展的重頭戲之一，今年不少藝人及模特兒加入戰團，包括前港姐冠軍楊思琦、日模松岡李那、藝人甄詠珊、張沛樂（沙律）、趙詠瑤（Kimi）、電競女神馬俊怡（Rose Ma）、「32H導彈」(0靚)模楊嘉文等，出盡法寶谷人氣提升銷量，戰況愈戰愈激烈！
「肉地」Rose Ma感自豪
正所謂鹹魚青菜各有所愛，有人鍾情熟女風格，亦有人喜愛清純路線，當中不單止男生，女生們也愛欣賞同性的美態。東網巨星節目主持人禮賢同學親身到書展現場實地視察，當中大部分女生較喜愛楊思琦及Rose Ma的寫真，尤其即將踏入40歲、已為人母的楊思琦，大讚其身材依然Fit到爆，是非常難得的寫真集！問到楊思琦覺得自己最吸引的地方？她即反問主持：「你覺得呢？呢本書係講大自然心靈嘅接觸，係內在散發出來嘅感覺，希望你哋Feel到啦！」
而Rose Ma對其「肉地」身材大感自豪，藉住出寫真挑戰自己之餘，同時讓大家看到不同類型的她：「我想出一本寫真同大家講，我唔係只係得嗰個樣（網絡世界的Cosplay造型），我有好多唔同嘅類型都可以Carry到。」
