葉家寶出口術焗黎燕珊羅霖破冰

入行逾40年的前亞視執行董事及高級副總裁葉家寶，由擔任無綫節目《歡樂今宵》的資料搜集開始，「公關技能」亦是當時訓練出來，轉戰亞視後主力舉辦亞姐，多年來被稱為「亞姐之父」，他坦言面對宮雪花參選時虛報婚姻狀況最感懊惱：「我哋都係做個娛樂節目，既然人人睇得開心，我都冇再逼佢，只係成日要佢寫聲明，始終我哋唔係警察去查案。」另一難忘「拆彈」是「仁美清叙」中不和的會長黎燕珊及主席羅霖，他踢爆兩人嚴重到不瞅不睬：「好彩佢兩個肯同我傾，後來我推推撞撞下佢哋終於肯破冰握手！」

被鬧「走狗」最心噏

面對圈中風浪，葉家寶最慘情的要數到為員工欠薪「孭上身」，收傳票墊支罰款15萬：「嗰時亞視都有錢出糧，但罰款都要我畀咗先，隔咗年幾到有新投資者入嚟先解決到！其實仲有小數目嘅律師費追唔番，算啦！」雖然貼錢打工，但他坦言不是最辛酸：「最唔開心係畀外間鬧係『走狗』，當時我都有反省，係唔應該偏袒一位股東，冇全面照顧其他股東利益，但依家諗番都覺得呢個字眼好心酸！」

參與「亞姐」多年，葉家寶面對不少「公關災難」。	黎燕珊（右）與羅霖當年鬧翻，最後由葉家寶拉攏下破冰。	葉家寶（右）爆黃守東自小是「亞視迷」，難怪要留守到最後一刻。

黃守東氹女着泳衣

當年與葉家寶並肩作戰的黃守東，在亞視「最後歲月」時與守候採訪的傳媒互相噓寒問暖，有時更送上暖飲，因而被封為「暖男」。原來他自小睇亞視大，第一份工便是入亞視做公關，坦言在這裏工作是挑戰：「有邊份工有呢個機會吖？（有冇欠薪？）三個月囉！當上堂學嘢，最後都有出番。（難頂？）曾經為咗一啲報道同個主持拗撬，但最後都冰釋前嫌，同埋面對宣傳困難，叫藝員着泳衣都要畀個舒服理由，呢啲都係公關技巧。」兩人透露打算合作開公司，擁有為亞視遮風擋雨的經驗，肯定封蝕本門！

場地：如心艾朗酒店