拍檔暗戀？林泳淘極速落閘
無綫藝人林泳淘（Wingto）、袁鎮業（Kelvin）與朱樂洺日前為微電影《Come！兄弟》開工，戲中出身基層的Kelvin懷才不遇，父親更患重病，富二代同學朱樂洺卻生活無憂兼娶得靚老婆Wingto，令Kelvin深感社會的不公平及壓力，他說：「我個角色反映好多新一代年輕人嘅心態，相信令好多人有共鳴。」
過往多做主持的Wingto很高興能演戲，笑言最難處理是要跟朱樂洺演一對：「我哋性格完全兩個世界，要我投入愛佢係幾難！」片中Kelvin暗戀Wingto，他笑言現實也一樣：「Wingto幾討好，可惜我哋Timing唔啱。」Wingto即說：「想像唔到佢暗戀我係點，肯定冇呀！大家唔好信佢！」
