譚俊彥磨刀18年剝人棚牙
譚俊彥簽約無綫後，首套劇集《天命》已孭飛做男主角。「考牌作」拍攝初期，大家難免對他投以懷疑目光，認為是父親狄龍鋪路，他說：「埋位見真章，大家認識咗，就知我係咩人！」
甫加入無綫即做男主角，自然避不過閒言閒語，不過譚俊彥（Shaun）已習慣，皆因由入行一刻開始，已被標籤有父親狄龍關照，他說：「呢套係考牌作，日日好似考試咁，大家都會用懷疑眼光望住我，邊個嚟o架？得唔得o架？點解有得做主角嘅？埋到位就見真章！大家認識咗我之後，知我係咩人，慢慢質疑聲音就愈嚟愈少，唔會用呢啲眼光睇我。」他表示由內地回歸香港拍劇，除希望多點時間陪伴兒女成長，還因為自己是香港人，眼見電視、電影陷入危險期，希望出一分力重拾過往情懷。
拒行爸爸舊路
入行18年，再難聽的指指點點，Shaun都聽過，認為時間可證明一切，亦多謝爸爸教導他在娛樂圈如何做人處事，以及演員應有的修養。不過年少時，他亦曾努力擺脫爸爸的背影，他笑說：「做阿爸唔做嘅嘢，佢拍武打戲，我咪唔打囉！走去做音樂，但天意就係咁，累積咗經驗返嚟拍古裝，剃咗頭着起龍袍，大家覺得有說服力，真係『天命』。」
鼓勵女兒學戲
自小跟着爸爸在片場長大，Shaun注定食演員這行飯：「由細到大接觸得最多就係拍戲，我都拍咗18年，最熟悉就係拍戲。拍完《包青天再起風雲》好攰，但之後要咪書，攞番劇本，又幾鍾意呢個感覺。」
作為一對子女的爸爸，他不抗拒兒女入行，認為女兒性格較適合：「童星就唔好喇！有興趣大個正正經經去學演戲。」