吳國敬嫌棄Big Four搵新Band搖滾

歌手兼作曲人吳國敬初出道時主要玩搖滾音樂，不忘初心的他於月底在旺角麥花臣舉行個人搖滾演唱會，他直言年前跟鄧建明開Rock騷後再起歌癮：「想再用搖滾形象同大家見面，大家多數聽我唱大路情歌，其實我有好多Rock歌，《玩火》都好耐冇唱，因為要用樂隊伴奏先有味道，今次係好機會。」阿敬表示今次不會邀請表演嘉賓，笑言好友Big Four阻住晒，反而會跟新樂隊合作，望薪火相傳。