秋官笑大宇：使唔使咁囂呀？

秋官和大宇在中醫館遇上，即「執番劑」過招，火花四射。

由於在ViuTV劇集《詭探前傳》中陶大宇角色甚兩極，朝早是中醫師，晚上變成黑社會大佬，前晚他與同劇演員游學修和陳安立在佐敦餐廳拍攝一場刀光劍影的戲份，江湖味十足。昨日大宇再化身中醫師，為有事前來相求的驅鬼大師秋官睇症，期間有不少交流，對白字字珠璣，大顯功架，這對《大時代》「蟹父子」果然在25年後仍然爆發火花。

見面大叫「老竇」

秋官受訪時坦言：「我成日追大宇啲劇，再遇大宇覺得佢嘅演技，唔止係進步，而係大師級！乜嘢類型角色都拿捏準確。（對手戲多？）唔多，所以有投訴o架，依家監製話會加啲我同大宇嘅戲，相信觀眾會鍾意睇。」而大宇見到秋官，即大叫「老竇」，提到秋官要求加戲，他說：「同老竇做戲好放心，大家有互相推動嘅感覺，好多高潮位。秋官換衫都同我夾對白，真係好專業，好令人敬佩，（交手好有火花？）我哋重頭戲會係喺做神功戲嗰日，到時我出飛機，佢（秋官）就大炮，哈哈！」

「蜂四寶」養生

年屆71的秋官精神十足，他說：「拍《詭》唔算辛苦，只係記咒語對白比較難。（點養生？）以前食『蜂四寶』蜂蜜、蜂膠、蜂王漿同花粉！」大宇在旁笑說：「當年見老竇食蜂四寶好勁，如果唔係點頂，個角色（丁蟹）太體力化。」講到劇中兩名年輕演員，大宇盛讚游學修：「之前同游學修拍咗場戲，佢好高天分，我都要小心佢啊！」

放大圖片	飾演黑社會大佬的大宇，讚游學修有潛質。