王宗堯被插侮辱女性
藝人王宗堯（Greg）前晚與吳嘉熙（Cheronna）等宣傳ViuTV新劇《PLAN B》，自劇集播出後他一直關注網民的反應，對於Cheronna咬着性玩具情節，他遭斥責有辱女性尊嚴；而「受害者」則坦言被Super Girls隊友取笑。
Greg表示劇集上周播出，每集都有捧自己場，由於他身兼數職，故分外落力宣傳，更在網上開設專頁與網民互動。他稱網民反應兩極，有人說不明白劇情，亦有人說劇中Cheronna被綁架時，被迫咬住一個波（性玩具），認為有侮辱女性之嫌，又說踢狗虐畜，對此他強調其實想反映一些現實好荒謬的事情，故才這樣表達。
被好姊妹笑
問到可會回應網上各種批評？他說：「都會盡量回應，呢個係我工作，知道有讚亦會有彈，係需要溝通，但明白好多網民都為鬧而鬧。」可會和網民爆罵戰？他笑言：「又唔會，會叫佢哋有耐性嘅就睇晒佢，冇耐性嘅咪唔好睇囉。」
至於Cheronna在劇中由肉參，到後來變成策劃者，問到Super Girls姊妹可有給她評語？她笑說：「佢哋都係笑我囉，因為頭嗰幾集我係肉參，要含住個波（性玩具），所以笑我。我都唔知佢哋會安排個波畀我咬o架，其實好辛苦，我覺得啲人除非真係好鍾意呢個波，冇乜事都唔會用啦！（私下會唔會用？）一定唔會，我知道係點樣，唔需要再知道。」
辛苦男友
講到拍攝時經常要Keep住不快情緒，那段時間男友黃奕晨可有受氣？Cheronna笑說：「佢擔心我情緒多啲，成日要佢嚟探班，想佢睇我演成點畀意見，辛苦要佢車出車入。」