藝人張慧儀前晚出席美容活動，其面頰比之前瘦，她表示個多星期前做了該公司的緊緻療程：「我啲朋友問我係咪打咗瘦面針。」她謂之前試過打瘦面針，但只接受微調，接受不到開刀整容：「太過龍或太膠就唔好，天賜畀我哋點就點啦！（最想改善邊部分？）想瓜子口面上鏡靚啲。」但她笑言在網上看到別人在韓國整容的前後對比圖，會有心郁的感覺，但暫時未有人找她做整容代言人。
