王曼喜渴望做媽咪擬接受捐精

王敏德與馬詩慧女兒Kayla創立的環保時尚品牌Basics for Basics，為響應6月在美國發起的同志驕傲月，特別推出True Colors Campaign，邀請十位女同志表達平權期望，又與年輕韓國藝術家Estelle K. Tcha合作推出兩款限量T-shirt，為LGBT發聲，Kayla說：「設計概念係大家都係人，都想去愛同被愛，會用同一種方式擁抱同親吻，係無分性別。」

她坦言爭取平權與其同志身份有關，因夢想擁有自己的家庭及小孩，若香港不承認同性婚姻就無法做到：「我有諗過接受捐精或者收養小朋友，但都要由結婚開始，如果我同另一半嘅婚姻不被承認，對方喺名義上唔係小朋友嘅父母，我都只係單親媽咪。當然可以去美國結婚，但香港係我嘅家，想喺自己地方擁有自己嘅嘢。」並稱若將來計劃做媽咪，會先考慮領養：「世界上咁多小朋友冇父母，可能會領養一個，自己生一個。」

媽咪憂路難行

Kayla希望與其他人分享經歷，因她比較幸運，出櫃得到家人支持：「後來畀記者影到，媽咪係一直陪住我去面對，畀大家知道做父母可以好正面。」又指跟父母坦承，自己亦考慮了一整年：「媽咪最初都好難接受，大家鬧咗場交，我話你身邊咁多同性戀朋友，點解到自己個女就咁難？佢話唔一樣，佢希望見到我結婚生仔，有個完美家庭，又怕我條路好辛苦，後來佢明白到完美家庭唔一定係一男一女組成，只要個女開心就已經足夠。我冇直接同爸爸講，係媽咪同爸爸講，爸爸只係問我係咪有人影響，怕我受過傷害而變成咁。」

掙扎一整年才向父母坦白性取向，王曼喜幸得家人無限支持。	王曼喜致力爭取同志平權，望有朝一日能在港結婚。	王曼喜擇偶條件，要幽默、好動兼有上進心。

伴侶唔慣曝光

雖已公開出櫃，但Kayla與另一半出街依然惹人側目：「大家會好好奇，未必係唔好嘅眼光，但會覺得你唔正常。最初畀人影到，會好影響兩個人嘅關係，對方唔係娛樂圈會唔習慣，大家要攞個平衡去啲人少、靜啲嘅地方。」至於喜歡的類型？她笑言沒特定，但發現好動、有幽默感及上進的人最吸引她。

場地：DOSE