吳鎮宇無奈棄愛胡定欣：唔可惜

藝人胡定欣與吳鎮宇曾於無綫劇《衝上雲霄》系列中兩度合作，首次拍電影的定欣直言獲對方推薦，雖然只有短短三日的檔期，但慶幸早有默契：「好彩係佢，大家合作過兩套劇，已經有晒默契，亦都令我好易投入，拍得更加順利。」談到鎮宇於戲中一直為她默默付出，但最後反而嫁給多年來都不理她的情人，會否覺得結局可惜？她說：「現實同感覺係唔一樣嘅，呢啲情況現實中係會發生，冇話可唔可惜，好多嘢喺現實中控制唔到！」

扒龍舟肌肉痙攣

至於鎮宇表示有不少扒龍舟戲份，事前刻意不學習：「因為角色係由唔識扒到識扒，所以我特登唔學。前後加埋五日龍舟戲，一日扒十個鐘，扒到肌肉痙攣，要睇物理治療。」他透露片尾會派彩蛋，工作人員名單在一班演員扒龍舟的片段播出：「當時係最後一場扒龍舟戲，大家好開心，於是好落力咁起勢扒，由沙田扒到大圍，扒咗足足二十分鐘。」

嫌唔夠「麻甩」

鎮宇飾演「寬頻佬」，造型爛撻撻兼大肚腩，為演活角色不收身，不過他嫌自己不夠「麻甩」，覺得可以在語氣上改善會更似「MK大叔」。

首次拍電影的定欣感覺新鮮。	定欣很感激鎮宇推薦拍電影。	鎮宇與定欣於《衝》劇有不少對手戲。

場地：馬哥孛羅香港酒店

吳鎮宇化妝：Kargo Leung

髮型：Joe Kwong

服飾：DEGAIA