Van@Nowhere Boys糖漿雞翼氹女友

Van有型又有格，剛陽味十足，但原來愛玩煮飯仔，下廚有相當經驗，除了音樂，下廚就是第二喜好！他表示中學時在英國留學，寄宿學校食物質素欠佳，被迫踏入廚房之路：「我阿姨有個農場，養牛、羊、豬，亦有種菜同生果，佢有教我香草點用、配咩煮嘢食，有咩菇摘得、有咩唔摘得，一到周末就會跟阿姨學整嘢食，一整就整兩日，早、午、晚三餐都係自己煮！」

拋班戟黐住塊面

學煮餸當然不會一學就識，失敗是必經階段：「撞板經歷多先到成功位，開頭分量唔識就，搞到好鹹或酸，煮到老咗或燶咗，最搞笑學人拋Pancake，拋咗上自己塊面度，未熟所以黐住咗！」至於有何拿手菜式？Van話烹飪就如哲學，一理通百理明：「冇話煮咩最叻，識咗一樣就識晒。」

梁祖堯指雞翼的解凍過程很重要，否則很難入味。	曾到英國留學的Van，跟開農場的阿姨學煮餸。	糖漿雞翼

他表示平日多煮西餐及日式菜，愛煮給女友及親友品嘗，尤其親友聚餐：「我好Enjoy為我喜歡嘅人整嘢食，感覺好好。（為追女仔而煮？）唔一定係追女仔，可能對方某啲時候心情唔好，我會整啲Comfort Food，或者嗰刻佢想食咩，咪整畀佢，等佢食咗會開心啲。」

步驟一	步驟二	步驟三、四

梁祖堯教路「啤水」

「劇界廚神」梁祖堯對於Van的「威士忌楓葉糖漿烤雞翼」，指雞翼不容易入味，所以解凍過程很重要，建議雞翼要先『啤水』，而用烈酒威士忌做材料亦有要注意的地方。

想睇《星級煮意》節目？大家可透過東網App及東網網頁，隨時隨地免費收看及重溫。

步驟：

1) 牛油爆香切碎洋葱及蒜頭，加威士忌、楓葉糖漿、番茄膏、鹽、黑椒、Rosemary香草及辣椒汁煮成汁。

2) 一半汁醃雞翼一小時，再以180度攝氏入焗爐。

3) 20分鐘後將雞翼反轉，再焗15分鐘。

4) 餘下一半汁與雞翼撈勻，上碟。

材料：雞翼、牛油、洋葱、蒜頭、威士忌、糖漿、番茄膏、黑椒、Rosemary香草、辣椒汁、鹽

想睇《星級煮意》節目？大家可透過東網App及東網網頁，隨時隨地免費收看及重溫。

https://bit.ly/2Lyl0e1