余香凝 陳家樂聞復合即落閘

陳家樂坦言與舊愛仍有聯絡，更會互相關心。

昨日陳家樂和舊愛余香凝分別出席活動，雖然不同場合未有碰面，但依然關心對方。與Dear Jane一起出席腕錶活動的陳家樂，心情不俗，對於舊愛同日出活動，他坦言不清楚：「我哋都有短訊來往，但冇傾大家會出席活動。（有冇機會復合？）唔講感情嘞！依家要努力工作搵錢。」他又自爆以前對時間觀念薄弱成為「遲到大王」，更因而有「報應」：「我嘅概念係一分鐘有七十秒，成日遲到，啲同事成日話我。初出道時，試過拍戲畀副導演鬧，話啲前輩已經到咗，我仲遲過佢哋，自己都好唔好意思，可能當時因為遲到而有報應，之後幾年都冇乜嘢做。依家改善咗，會將隻錶校早半個鐘！」問到與舊愛余香凝拍拖時是否仍有遲到，他指當時已改善陋習。

赴美進修

至於余香凝出席活動時，與陳家樂口徑一致，指雙方有保持聯絡，但問到會否復合則說：「冇諗！感情嘢唔講咁多，大家係有聯絡互相問候同關心，簡單講幾句。」

至於家樂早前上載一張背景為破牆的自拍照，並留言指分手以來都不敢清理「遺物」：「不是我懶，而是我不捨得，我不像你。」余香凝聞言即耍手避談說：「唔講嘞，你問番佢！」她續指分手後一直工作不斷，先後到馬來西亞拍戲、到台北及紐約出席電影節，並打算到美國紐約攻讀為期三個月的戲劇課程：「如果係去，我要帶定杯麵，因為當地飲食好貴。（離開香港呢個傷心地？）唔好咁講，我都想學潛水，當送生日禮物畀自己。」

陳家樂與Dear Jane出席活動，自爆曾因遲到，搞到冇嘢撈。

余香凝自甩拖後專注工作四圍飛，更透露有意到美國學戲。