開騷憶喪夫痛陳潔靈望住「老公」跪地喊

資深歌手陳潔靈前晚在演藝舉行音樂會，唱出一連串金曲，她表示最近見完國際天后Celine Dion，發覺兩人有相同處，就是老公離世後都很快收拾悲痛踏上舞台，又謂林振強改寫了Celine的一首歌給她，叫做《哭...可以麼》：「由最初喊到一個字都唱唔到，到慢慢唱多幾個字，喊完又唱，唱完又喊。」
陳潔靈獻唱多首經典金曲。
陳潔靈獻唱多首經典金曲。

騷後接受訪問，講到老公離開後，最難過的一次表演經歷，陳潔靈坦言有次在亞博做慈善騷，跟肥媽及劉美君一起合唱，但當時她站在台上腦海一片空白，眼淚哽在喉嚨，到返回後台見到肥媽老公即跪在地上爆喊：「喺幾個月之前我咁啱見到劉美君，同佢講番呢件事，話當時真係唔好意思，我崩潰咗！」

陳潔靈歌衫有少許性感。
  • 陳潔靈歌衫有少許性感。