準決賽+決賽 8．26一晚搞掂！

今年港姐共有6個大獎，除冠亞季、最上鏡小姐及「big big channel最受歡迎香港小姐」外，去年取消了的友誼小姐亦將「回歸」！大會統籌經理余詠珊透露，8月26日將首度同晚舉行決賽及準決賽，一氣呵成進行3小時節目，她說：「以往分開進行，令人覺得準決賽可以唔睇住，今次難度喺時間安排同綵排上，雖然同一日，但其實係兩個節目，所有嘢都要雙倍，包括金錢，到時會好刺激！」她表示賽制還在構思中，亦未決定準決賽淘汰人數，希望加強全民投票元素並完善賽制，不會重演去年兩位佳麗同分的情況，令作最後決定的鄭裕玲受壓，但未決定今年會否再邀對方做司儀。