傅珮嘉入屋喪喊凶靈攝鏡

雖然驚到騰騰震，但Maggie依然將靈異照收錄於大碟供大家鑑賞。

Maggie昨日到電台宣傳，甫見記者就急不及待分享靈異事件，憶述時心有餘悸，並展示靈異照：「第一日喺『幽靈公主森林』拍，另一日就去咗間歷史悠久嘅民宿，屋主好古怪，話咩都唔可以掂，唔可以掂啲畫。當地導遊同我哋講，如果上網Search嗰畫家嗰名係邪教名，係有個組織。喺屋入面我已經好唔舒服，後尾影咗張相，咁啱有個人樣喺度！眼、耳、口、鼻又齊蔭，成個凶靈咁！」相中隱約可見Maggie頭頂有個奇怪「人樣」，她續指：「當晚收到相老公都笑我，就連經理人都話冇事，但我好肯定嗰度係塊鏡，冇其他嘢！」記者叫她快刪除相片時，她無奈笑說：「已經印咗喺隻碟入面！」

• Maggie的MV花絮照中隱約可見兩個「鬼影」。

橫樑上見人形模型

Maggie表示並沒有入住該民宿，不過拍MV前一日，有兩名當地導遊率先「勇闖」該處布置場景：「佢哋都話唔敢瞓，仲話聽到啲聲！」又稱拍攝期間見到屋內橫樑上有一比一的人形空心模型，旁邊有用白布遮蓋住的「藝術品」，但她不夠膽查明「真相」！疑似「撞鬼」的她言之鑿鑿：「MV入面有兩幕要喊，大家以為我係做戲，但其實嗰刻突然好想喊，真係解釋唔到。」她再補充屋主另一「規矩」是不讓女生去廁所：「好彩呢方面我好忍得。」她指推出新歌後收到好多回響，為相隔14年再出廣東歌的她打下強心針。