方大同呻忙唔急搵老婆

歌手方大同昨日35歲生日，出席新書發布會時表示收工後會與親朋慶祝：「平時過生日通常都唔會大搞，差唔多有五、六年都喺工作中度過。（生日願望？）身邊嘅人順利平安。」又指母親沒有催婚：「自己都唔心急，因為有好多項目要搞，又有做音樂、寫劇本同寫書等，所以工作為先。（寫緊咩劇本？）係電影劇本，同一個導演朋友合作咗兩年幾，依家就籌備中，搵咗啲投資者，自己會兼任出品人，亦都可能會客串，詳情就遲啲公布。」他透露正籌備個人演唱會，預計今年底或明年舉行。