鄺潔楹經歷4秒墜機嚇餐飽
「仙氣女神」鄺潔楹早前出埠到關島取景，潛水、跳傘兼駕駛小型飛機，又爆機師突然在半空關掉引擎，令她誤以為會墜機！
鄺潔楹（Judy）早前到關島拍攝全新一輯無綫旅遊節目《3日2夜》，不僅穿性感泳衣晒身段，還玩到上天下海，與平日外表斯文的她判若兩人。首次到當地的她激讚景色優美，尤其海水清澈又很鹹，笑指聽聞海水鹹度高是代表水質潔淨度高，故趁機享受一番。
跳傘俯瞰美景眼濕濕
行程期間，Judy首次接觸高空跳傘，由於事前僅睡了三小時，故坐飛機時一直迷迷糊糊，飛至半空臨跳一刻才有點緊張，她謂：「跳出去之後成個人醒晒！望到『大地在我腳下』嘅美景，感動到有少少眼濕濕。」不過後來駕駛小型飛機，卻出現驚險小插曲，令她以為遇險墜機：「個教練好百厭，架飛機駛到半空，佢突然問我想唔想有啲刺激，初頭以為都係掟彎啫，點知佢突然閂咗個引擎，搞到飛機急速墜落，3、4秒之後先開番個引擎，但我已經嚇餐飽，以為會墜機添！」
談到此行以性感泳裝上陣，Judy表示有為此努力跑步及鍛煉手臂肌肉，直至拍完該鏡頭後才放肆暴食，給自己一點補償。
