王菀之爆閨房樂碌地沙引老公

王菀之跳芭蕾舞，大家收唔收貨？

歌手王菀之（Ivana）前晚在銅鑼灣街頭玩快閃，即場與幾個演員跳默劇舞，宣傳新歌《沉默的士高》。她表示演員扮演她的「聲帶」，他們一行人由旺角到銅鑼灣表演，但全程沒說話，以沉默的方法演繹新歌：「我哋喺旺角行商場、派傳單，初初都擔心大家反應唔知會點，但原來大家都好配合，甚至會扮埋一份。」

攰爆彈番起身

Ivana又謂沒有說話幾個鐘，與工作人員溝通都是用形體動作，笑言辛苦他們：「因為佢哋問我飲唔飲水，或會唔會好熱，但我全程都唔答佢哋。」問到可會這樣對老公？她即冧爆笑言：「我通常係掉番轉大嗌，如果我要表達負面情緒就會碌地，試過有一次佢唔畀我陪佢去睇醫生，因為佢驚我病，所以我就碌地、瞓喺地下。（老公咩反應？）冇反應，跨過我，跟住幾個鐘後我就攰喇，所以如常咁睇番電視，冷靜番個人。」

恭喜祖藍「升呢」

講到好友王祖藍老婆李亞男宣布有喜，她開心說：「恭喜晒！我唔知呀。（會Message佢？）唔止呀，或者會直情搵佢。」提到祖藍擔心不知道BB身高會遺傳爸爸還是媽媽，她即笑言：「就算A+B除以2都OK嘅！」

一行人浩浩蕩蕩搭港鐵。

眾人在街頭演默劇，氣氛熱烈。