石詠莉地獄之旅冇覺好瞓
歌手石詠莉昨日到電台接受訪問，表示最近去了日本四日，拍新碟封面及兩首MV，但大呻是「地獄之旅」，因為行程十分緊密：「我哋每日拍成十幾個鐘先可以休息食飯，每日得個幾兩個鐘瞓覺，之後又起身化妝，我個黑眼圈到依家都未醫到。」她坦言與老公鄧健泓想在有限資源下做到最好。
石詠莉透露今次是原創碟，跟不同國家的音樂人合作，預計8月推出。她又稱最近非常忙碌，除宣傳新歌外，又要忙為8月底的舞台劇排練，故冇覺好瞓。問到是否沒時間造人？她稱：「真係冇，要等等先，等我同佢做埋想做嘅嘢先。（有共識幾時生？）冇諗咁多，順其自然。」