梁佩瑚被誤會大花筒 老公：月使幾多錢？

1989年港姐季軍、現年47歲的梁佩瑚，為東網巨星節目「海馬牌床褥特約」《閨蜜睡房》擔任嘉賓，一連三集與主持李惠儀大談婚姻生活。她坦言與年輕一歲的蒙古老公郭雲飛兩年前一見鍾情，打破語言障礙，拍拖半年便閃婚，婚後至今對方依然叫她做「Baby」，恩愛到痹。

「鬧鬧吓笑出嚟」

提到梁佩瑚不諳國語，老公亦不懂廣東話，她覺得反而有好處：「好彩我哋言語上溝通有問題，我講啲國語佢唔係好明，佢講啲廣東話我又唔係好明，呢個障礙反而會阻止我哋鬧交嘅進度，鬧鬧吓已經笑咗出嚟，成日都話：『你講咩呀？我都唔知你講乜！』」

以為嬌生慣養

梁佩瑚坦言初相識時被老公嫌年紀大他一歲，但緣分到就對她着了迷，她亦讚老公不吸煙、冇體臭及老實，並容許她不長住蒙古，認真抵錫。蒙古奶奶亦對她愛護有加，讚她樣貌年輕。不過她自爆被老公的朋友懷疑，非常難過：「我哋初初拍拖時，佢身邊朋友都笑佢，話人哋港姐一個月要使幾多錢o架？你養唔養得起人呀？你要聽晒佢話？好煩喎！」她指老公初時都覺得她嬌生慣養，曾問她：「你一個月要使幾多錢？」想知梁佩瑚點樣答？蒙古老公點樣幫她平反？想知道更多這段兩地即食麵情緣，記得星期五、六、日收睇《閨蜜睡房》喇！