吳若希自認高材生住院變包尾
歌手吳若希（Jinny）、胡鴻鈞（Hubert）及Super Girls成員吳嘉熙（Cheronna）等，前晚到屯門V city商場出席「V city DSE放榜打氣派對」，即場跟觀眾玩遊戲及唱歌，同場有新鴻基地產代理有限公司租務副總經理孫雅茵。
唔做怪獸家長
Jinny受訪時自言本是高材生，但後來因為入院住了一個月，所以放棄了學業變成考包尾：「對我嚟講都幾大打擊，但最後我揀咗呢個同學業冇乜關係嘅行業，所以我覺得讀書係緊要，但唔係最重要。」又指將來不會做怪獸家長，催逼囡囡讀書。
講到日前被指當街鬧老公，Jinny笑言：「呢啲係生活嘅瑣事，結婚生咗小朋友，呢啲事係一日發生幾十次，我嗰陣咁啱冇表情同語氣惡咗少少啫。」Hubert即幫口：「佢係軟硬兼施，都好Sweet，最緊要佢哋兩夫婦搵到相處之道。」但Jinny大呻最不快是被人寫抱女姿勢不好：「我好畀心機抱佢o架，因為我已經抱住佢超過一個鐘，要搵個最舒服嘅姿勢抱住佢，等我哋兩個都舒服。」
吳嘉熙輕鬆等放榜
至於Cheronna表示當年放榜毫不緊張：「因為我一啲都冇努力。（成績好唔好？）一般啦，我唔鍾意香港教育制度嘅科目，反而大學嗰啲我就鍾意。」