馮盈盈唱K摘星？
前港姐馮盈盈前晚出席活動為應屆DSE考生打氣，她自爆當年相當迷信，放榜前一晚狂唱有關星星的歌曲，結果真的達成願望，多個科目都考獲5﹡的好成績！
前港姐麥明詩、馮盈盈、歌手關楚耀、JW及吳浩康等前晚到觀塘出席《apm放榜前的一個晚上》活動，眾星唱歌及玩遊戲鼓勵一眾應屆DSE考生，場面熱鬧！
自嘲選美奪冠勵志
盈盈是第一屆DSE考生，她回想當年放榜前夕跟同學唱通宵K，不停唱跟「星星」有關的歌，希望考試可得到更多星以及能夠升大學，最終她成功考獲四科5﹡，更有一科勇奪5﹡﹡，成績相當好！問到有何鼓勵說話送給應屆考生，她說：「我大學讀營養學，但都冇做到呢行，有時讀書知識同工作未必有關，人生有好多可能性。」又自嘲說：「我都係勵志故事呀！我咁嘅樣都選到冠軍，又都算養到家喎！」
麥明詩：考試唔代表咩
當年是會考十優狀元的麥明詩表示雖然沒經歷DSE，但也知道公開試壓力很大：「有朋友仔女問我升大學意見。（有咩鼓勵說話？）一次考試唔代表咩，最緊要係一生無窮努力，要有開心人生，考試成績同將來成就唔一定成正比。」講到早前直播彈鋼琴時走光，她表示會吸取經驗，以後會穿得夠密實及不再烏低身：「不過我當日係有打底，大家唔好再考究，我下次會注意吓鏡頭。」
