周汶錡搞到兩男爭風呷醋
名模周汶錡（Kathy）與藝人王敏德女兒王曼喜（Kayla）前晚出席推動女性權益的慈善活動，Kathy笑指家中有三位男性（老公與兩名兒子），對她不公平，但未想過追多個女兒，又指兩個囝囝較黐她，會為她爭風呷醋。她自言對兩個囝囝也有嚴格一面：「要教，做錯事要講Sorry，尤其對姐姐（家傭）唔好，我會話姐姐都有Family（家庭）。」講到大仔剛度過3歲生日，她坦言從未為兒子揀幼稚園而煩惱：「揀咗間本地學校，佢試一間OK咗，咁就讀，我冇特別安排。」
此外，Kayla本月18日26歲生日，她表示會跟朋友食飯慶祝，又透露最近去了一個女同性戀者派對：「去到識吓新朋友，玩吓幾好。（有冇識到啲可發展對象？）咁又冇，識到新朋友，但唔係咩Target（目標）。（你平時點樣識女朋友？）有唔同渠道，試過喺酒吧識，又試過玩交友App識，不過只係試過一次玩交友App識女朋友，之後就唔敢，就係對上嗰個，成功一齊咗，我嗰時得23歲，但都散咗啦。」