劉浩龍打籃球突短暫失明

歌手劉浩龍（師兄）昨日出席飛利浦照明EyeComfort啟動禮，他透露眼睛對強光敏感，中五時更試過短暫失明：「當時打緊籃球，好曬，我望完個天對眼突然就黑晒！（好驚？）梗係啦，以為會盲，好彩去到醫院就開始睇得番嘢。」提到下星期與明星足球隊飛往俄羅斯看世界盃決賽，師兄表示難得齊人：「不過我要忍口，因為月底要影性感寫真，地獄式訓練已經半年，呢個旅程我會好檢點。」
陳庭欣（右）與岑杏賢都覺得保護視力很重要。
陳庭欣（右）與岑杏賢都覺得保護視力很重要。

同場的陳庭欣自爆曾經不能開眼：「細個冇洗面就瞓，朝早對眼畀分泌物黐住咗。我好驚，喊晒，媽咪用暖水幫我整走啲分泌物先冇事。」而岑杏賢就自言經常看手機以致眼角有紅筋，但醫生指血管已經爆了，不能根治。

劉浩龍月底影性感寫真。
  • 劉浩龍月底影性感寫真。