林凱恩多線進發恨演古裝劇

藝人林凱恩（Iris）參加2015年香港小姐奪得友誼小姐而入行，短短三年，Iris已於無綫節目《安樂蝸》主持及劇集《愛．回家之開心速遞》擔任重要一角，講到短時間能夠有一定曝光率，Iris說：「好開心好感恩，兩邊係唔同嘅嘢，但訓練咗我主持技巧同扮演角色感覺。（點練演技？）同朋友練習一秒入戲，同埋睇前輩嘅演技，都會有幫助。」
林凱恩入行日子雖淺，已得到不少演出機會。
林凱恩入行日子雖淺，已得到不少演出機會。

Iris希望可以嘗試不同角色，更希望可以拍古裝劇集：「想試吓古裝，雖然《愛．回家》有時都有，但完整古裝劇未試過，我覺得自己着古裝有另一番味道。同埋都想做警察，好似陀槍師姐。」Iris期望可以主持及戲劇雙線發展，現時亦有學唱歌及演戲，裝備自己。

既想做警察，又想演古裝，林凱恩爭取嘗試不同角色。
  • 既想做警察，又想演古裝，林凱恩爭取嘗試不同角色。