莊思敏求姻緣「駱」而忘返

志不在此

莊思敏初嘗騎駱駝的滋味，她說：「原本有啲驚，所以拒絕咗。點知同行嘅李居明同我講話駱駝旺我，會有利我姻緣，結果我就二話不說騎咗上去，騎到唔想落番嚟，因為感覺好得意，隻駱駝好乖好聽話，我都控制得好好，佢好似知我諗乜咁。」問到最終有否結識到高富帥？她笑言：「旅行志不在此，不過感受到當地人好友善。」

酷熱解放

莊思敏在世界各地留下不少足迹，早前她一償心願遊杜拜。此行雖以工作為主，但她亦爭取時間，參觀過不少當地名勝和景點：「想去杜拜好耐，難得今次可以寓工作於娛樂，當然唔會錯過。」杜拜向來予人富貴的感覺，莊思敏入住的酒店亦金碧輝煌，用真金打造，果然名不虛傳，她說：「真係好閃(口架)，咁大個女都係第一次見。」

當地天氣相當酷熱，氣溫普遍高達攝氏三十多度，她亦趁機到海灘享受日光浴。

入鄉隨俗

由於杜拜為回教地方，遊客要遵從宗教禮儀，尤其參觀清真寺更不能掉以輕心，她說：「如果參觀廟宇，女士要穿上當地傳統服飾，唔可以着背心、短褲、短裙，不過好多廟宇、景點都會有衣服出租，方便遊客。」正所謂入鄉要隨俗，在某些地方要言行檢點，亦不可太高調，莊思敏憶述：「例如好多人去到啲廟宇都鍾意拍照留念，好多人都會跳起，或做出舉V等手勢，但呢啲都係唔鼓勵，要保持肅穆嘅氣氛，唔可以太過高調，尊重番個場合。」

騎駱駝旺姻緣！難怪莊思敏難捨駝背。	放大圖片	趁着工作之便，莊思敏享受一下奢華生活。

巧奪天工

以電影為主題的樂園「Bollywood Parks Dubai」是當地著名景點，莊思敏欣賞了不少展覽，又到訪LEGOLAND，她說：「啲展覽好宏偉、好有規模，啲模擬建築物造得好仔細，好真實。」製作之精巧讓她大開眼界。

入鄉隨俗，莊思敏參觀清真寺時跟足規矩，不敢掉以輕心。	放大圖片	LEGOLAND的模型細緻精巧，令人大開眼界。

得心應手

莊思敏喜歡周遊列國，感受不同國家的文化和風土人情，因此成為了身邊好友的旅遊指標及明燈，她說：「以前旅行主要係購物、吃喝玩樂，依家會比較着重感受，去旅行只要隨心，事前做足工夫了解當地習俗，將行程好好計劃一次，無論去到邊都會得心應手。」

Bollywood Parks Dubai充滿中東特色。

放大圖片