陳家樂走出情傷笑得出
藝人陳家樂與湯怡昨午到旺角出席護膚品牌活動，期間二人被安排以「情侶視角」拍照，家樂餵湯怡食雪榚，接着二人又用蜜糖裝飾蛋糕，認真Sweet爆！
與余香凝甩拖後的家樂終於重現笑容，近日忙於拍廣告的他，不時被要求拍攝類似的甜蜜短片，難怪他直呼尷尬：「我本身唔係咁Sweet嘅人，加上現場工作人員又以大隻佬為主喎，超近距離拍攝，見到晒面部微表情同瑕疵。（觸景傷情？）咁又唔會，飾演每個角色都有啲感情，好多開心嘢，冇傷心事。（已經完全冇事？）一直都冇事呀！」
「女漢子」被投訴
湯怡則自稱「女漢子」，經常被身邊人投訴粗魯，與外表不相符。問到男友洪卓立是否其中之一，她即推說：「陳家樂都投訴我啦！（有冇試過幫男友敷面膜？）幫我細佬囉，佢以前好多暗瘡，我又貪靚，研究好多清潔方法，醫好咗佢，佢依家有拖拍嘞。」問到如今學會以「情侶視角」拍攝，受惠的是否男友？她即說：「我諗係觀眾受惠多啲。」
