曾樂彤深思熟慮唱歌講道理
英皇今年力捧的樂壇新人曾樂彤，由網紅搖身成為歌手，她自知非專業的材料，歌藝曾受網民抨擊，也一度質疑自己的實力，幸而男友護花挺身還擊，令她暖在心頭。
由KOL化身歌手的曾樂彤，一直有不少追隨者，她坦言YouTuber跟做歌手是兩回事，最初公司問她可有興趣做歌手，她考慮了一段長時間：「我對自己有一個疑問，無啦啦要成為一個專業嘅歌手，我要有一個原因畀自己，冇可能話我鍾意唱歌就可以做歌星。（好多人恨做歌手都冇機會？）正因為機會難得，我先要更加考慮清楚，如果我行到嚟呢步，都唔知自己做乜，咁樣成件事仲差。」
冇膽單身旅遊
如今她終於給自己找到個答案，就是將唱歌當做一個媒介，正如她做KOL拍片一樣，她說：「我拍片係想帶出我想討論嘅議題，我一直好鍾意廣東歌，除咗抒情歌，我都好想藉着歌曲講到人生哲理，希望將來我啲歌能夠有咁嘅效果。」
首支派台歌《單身旅遊日誌》並非一首情歌，是講一定要經歷過高低才會做出決定。她坦言未試過獨自去旅行，因為她直認是個膽小的人：「如果我一個人去日本會好驚，因為我同朋友一齊都會搭錯車，如果自己一個人去應該返唔到香港。」
男友精神上支持
對於網友批評她的歌藝，她表示如果是一些有建設性的意見，即使是負面，她也會回應並加以改進，但有些無理攻擊則不作回應，她說：「咁樣係對支持我嘅人唔住，因為唔想佢哋覺得我將呢啲攻擊或者負面評論放大。」至於男友游學修為護花曾作出反擊，問是否好冧？她卻顯得避忌：「家人同朋友嘅支持已足夠。（男朋友點支持你？）佢精神上有支持，大家係同一行，工作同埋私人嘢盡量分開，免得難做。」
場地：elixir x still house HEAVEN
髮型：Zap Tang@Essensuals.hk
服裝：clemenceworld@camper