Tyrese分手頭耷耷唔諗復合

組合天堂鳥前日出席火鍋店開幕，近日與前華姐余思霆分手的成員Tyrese頭耷耷沒精打采，他自言是早起拍戲太累，問到心情平復未？他表示：「都係咁。（幾時分手？）最近正式分手。（思霆話呢3個月都少聯絡？）大家有共識做住嘢先，到呢排就講清楚。可能我哋一直都係遠距離（戀愛），到真實相處係兩回事。」他坦言感情不能勉強：「大家有共識行先得。（想復合？）唔諗啦，隨緣啦。」
郭奕芯（右）和許芯悅笑言是小股東，不怕講錢傷感情。
郭奕芯（右）和許芯悅笑言是小股東，不怕講錢傷感情。

身為火鍋店老闆之一的藝人郭奕芯和許芯悅，各投資6位數，郭奕芯自爆試過與友人夾份開Cafe：「但已經倒閉咗，損失6位數字，所以今次同真係識咗幾年嘅朋友一齊做。」

天堂鳥一同出席開幕活動。
  • 天堂鳥一同出席開幕活動。