蘇永康狼狽湊「波士BB」

蘇永康推着BB車，與太太一起到中環出巡。

歌手蘇永康（阿公）與太太馮翠珊（Anita）結婚三年半，去年3月誕下囝囝蘇展弘（Jazz），轉眼他已1歲多，過往喜愛夜蒲的阿公亦變得深閨，更經常落手落腳湊仔，餵奶、換片完全冇難度。

帶埋囝囝去買餸

日前下午5時許，阿公兩公婆帶同囝囝現身中環超市買餸，工人姐姐雖然同行，兩夫婦卻輪流推住BB車，Jazz在車內熟睡，一行人逛了半小時，只見他們選購了一些蔬菜、肉類、乳酪及麵包等往付款處排隊，此時Anita推着囝囝到門外等候，雖然Jazz頭髮不多只得幾條毛仔，但Anita不時幫他整理髮型。

Jazz被嘈醒，皺晒眉頭的他同卡通人物「波士BB」好似樣。	「波士BB」	三個大人小心翼翼抬BB車落扶手電梯。

• 蘇永康做「買手」，老婆Anita在旁睇住囝囝。

眼睩睩Cute爆望鏡

付款後，他們搭扶手電梯往下層上車，三個大人將BB車搬落自動電梯時，雖然小心翼翼，但仍手忙腳亂，結果搞到一直熟睡的Jazz突然醒來，肥嘟嘟的他睡眼惺忪全程皺起眉頭，但當看到記者拍照，他即眼仔睩睩好奇地望住鏡頭，恍如動畫電影中的「波士BB」般可愛，而阿公亦笑笑口揮手打招呼，其後Jazz由工人姐姐抱住上車走人。