吳忠義新婚妻被爆用司馬燕遺物
「抗癌勇士」司馬燕離世3年，其丈夫吳忠義（Togi）終覓得第二春，與拍拖兩年的Beth在峇里島拉埋天窗。Togi的細仔吳景燿缺席婚禮，司馬燕表妹陳麗文亦表示不獲邀請，更指對Beth會用司馬燕的遺物而感心酸。
司馬燕於2015年因胃癌與世長辭，相隔一年後Togi走出傷痛，結識圈外新歡Beth。兩人一直愛得高調，頻頻在社交網晒恩愛，去年底Togi更上載Beth戴戒指的照片，疑似求婚成功。拍拖兩年的他們終修成正果，近日在峇里島舉行婚禮。
表妹陳麗文感心酸
婚禮當天，Beth穿上白色Deep V入膊婚紗，與Togi於黃昏時分在海邊行禮，畫面浪漫有詩意！Togi大仔吳澋滔亦有出席婚禮，並擔任DJ送上祝福，反而細仔吳景燿未見蹤影，據知他與Beth相處不算融洽，故未有參加婚禮，一直留在加拿大。不過，一對新人心情未受影響，Beth更留言表示當日是人生中最美好的一天，流露新婚喜悅。
對於Togi突然再婚，司馬燕表妹陳麗文表示未獲邀出席婚禮，仍祝賀一對新人，但講到Beth用司馬燕遺物一事，大感心酸：「我喺朋友口中知道佢會用我表姐嘅遺物、手袋嗰啲，我聽到係會有啲酸嘅。」
吳麗珠：對呢個人No Comment
而司馬燕生前好友吳麗珠則不欲多談：「佢係咪再婚係佢私人嘅事，唔關我事，亦唔想理，就算阿燕離開第二日佢結婚都得。人哋感情生活係人哋嘅事，我對呢個人No Comment（不予置評）。」