上鏡顯面大張文慈讚好
藝人張文慈（Pinky）昨午到尖沙咀出席《中珠後山公園道.香港專場銷售推介會暨CARNET珠寶展示會》，即場試戴首飾的她自爆是慳妹性格：「試過用十幾萬買隻錶返嚟，唔捨得戴放落夾萬，好多年後攞番出嚟發現個款過時，自此就知自己唔啱貴嘢。」
談到於《宮心計2深宮計》內演出獲讚且人氣升，Pinky開心表示：「喺街啲人叫我『汪司膳』，但覺得我真人塊面冇咁大。（造型影響？）唔好咁講，係我面形有問題啫，咁都好，大家會集中留意我演技。」講到網民讚她四司中最保養得宜，她大方分享會以通經絡及針灸養生：「我覺得可以老，但唔可以殘。」