全城熱捧世界盃，兩大球王阿根廷美斯與葡萄牙C朗齊齊出局，令不少球迷心碎！作為阿根廷迷的藝人杜汶澤前晚更用整副身家買愛隊贏，最後卻因輸波而宣布公司暫停出糧！有口痕網民即舊事重提，指他曾兩次債台高築，更曾「走佬」到台灣，如今再「輸身家」，怕他重蹈覆轍！
世界盃16強開波，首日有兩大球王美斯與C朗分別作賽，開波前很多球迷都看好至少一位殺入8強，豈料人算不如天算，兩人最後竟齊齊出局，令不少熱愛足球的藝人大嘆失望。
「損失慘重」的阿澤，旗下員工前晚於社交網發文踢爆老闆輸身家：「作為八十年代過氣嘅阿根廷迷，自從馬納當拿退役之後已經放棄咗足球嘅杜生，今日飲大咗，將成副身家（即係今個月公司所有伙計嘅人工）買咗阿根廷贏。本公司宣布暫停出糧直到另行通知。並予以強烈譴責杜先生！」更揶揄他：「又唔識！又無運！輸死你呀！」而阿澤亦上載表情苦惱的托頭照片，留言：「每次我回到足球世界，都沒有好結果……」
不少網民笑阿澤很快就要再次潛逃台灣避債，更封他為新一代「燈神」，並建議「燈神」開拍電影《豪情3D VR之真．杜生之下海菊花》籌錢還波債，面對群情洶湧，阿澤昨日接受本報電話訪問，笑言：「冇糧出係講笑，我唔賭波，四年睇一次波，業餘意見有咩價值呀？不過我呢個年紀，細個就一定係鍾意馬納當拿。」他又指今年心水是法國隊，因為擊敗了阿根廷，不過之後他要到台灣工作，未必能追看餘下賽事。
此外，前日本AV女優蒼井空亦被指「燈」力十足，賽前她表示支持美斯與C朗，結果兩位球王都被她「祝福」出局，藝人鄧洢玲就大讚C朗：「C朗係幾好波嘅！」「牛雜妹」李美琪則上載扁嘴照，留言：「4:3，雖非如意，但為大家帶來了精彩的一場，值得了。」更猜中烏拉圭勝出：「本身想撐葡萄牙，就係鬥氣。」
一班藝人大呻輸波，反觀近日小賭怡情的導演葉念琛，繼早前貼中南韓對德國2：0，以十元贏得一千元後，再刀仔鋸大樹，買烏拉圭對葡萄牙2：1，以十元贏到一百元，並在網上公布戰績：「又一場！win！10倍也不錯！世界盃，小注怡情。」即被網民封為「神燈」！