李婉華唔想囡囡入行

前無綫藝人李婉華婚後隨夫移居加拿大，擔任主持工作外，閒時便與大女及一對孖仔四出遊玩，最近便到訪日本。相中所見，其女兒Natalie已亭亭玉立，穿上和服後與凍齡媽媽合照，似足一對姊妹花，可謂索爆清水寺！15歲的Natalie甚有明星相，問到可會讓女兒入娛樂圈或鋪路選港姐？婉華說：「個女樣唔差，但唔係傾國傾城，港姐未必得喇！（拍埋似姊妹？）過獎啦！（點樣保養？）其實都係Keep住運動，每星期兩、三次跑步，保持心情開朗，個人自然後生！」