吳嘉熙狂收靚鞋益埋男友

Jessica（左）和Cheronna入行後收到不少贊助鞋，多到屋企唔夠位擺！

Cheronna前晚和隊友Jessica，以及廖子妤、余潔滢、蔡穎恩、鄺潔楹、陳詩欣等一眾靚女出席品牌活動。有愛情滋潤的Cheronna穿上低胸、露臍裝特別醒神，她表示入行後常收到贊助鞋，數量多要媽咪「幫腳」：「曾經一次過收十對鞋，媽咪都好頭痕，因為屋企唔夠位擺，所以有時都同媽咪分享。（媽咪都啱Size？）佢大少少，出街仲可以，但做運動就唔好。」除了媽咪有免費鞋着外，其男友黃奕晨亦有着數，她指有次睇中一對鞋，惜遍尋不獲，幸好有客戶送了兩對，款式可做情侶鞋。

Jessica「妹仔」格

至於Jessica自稱有鋪儲鞋癮：「收到客戶送來最新款嘅運動鞋，久而久之變咗座『鞋山』，我又『妹仔』性格，唔捨得開新鞋着，驚着殘！」

黃奕晨	盧巧音和老公蘇浩才恩愛出席。	陳詩欣（左）和鄺潔楹晒香肩。

盧巧音結婚周年冇禮收

同場還有歌手盧巧音與樂隊Kolor主音老公蘇浩才（Sammy），他們早前到加拿大寓工作於娛樂，順道慶祝結婚5周年，盧巧音自言未收到禮物，但老公則說有一起食餐飯。她又指日前行山時遇周潤發，最驚喜是對方主動拎電話影合照。