翠如中暑奇遇 靠巫師古法救番！
藝人黃翠如昨日於金鐘出席美容品牌活動，不過現場侷促令一位粉絲暈倒。事後她上前慰問粉絲，相當細心。問到有否曾在工作中暑？她謂曾到訪亞馬遜拍節目，因天氣太熱而中暑：「中暑後抽筋、暈低，同行有巫師，佢用古老療法，噴煙。（你醒番？）醒番，我理解唔到，但有功效，呢個經歷係有啲奇怪！」又自爆曾吃過聲稱可見到前世今生的巫師藥：「見到自己啲手手腳腳係樹木，之後我胃炎咗三個月，幾特別嘅經歴！」
至於可會想再去？她謂一直喜歡去這些地方，但拍攝這類節目需要有同樣理念的團隊，談到好友洪永城都喜歡拍旅遊節目，她說：「佢應該唔肯，佢比較鍾意去戰地嗰啲！」男友蕭正楠可會准許她再去這些地方？她說：「要問佢，應該都OK嘅，我係咁嘅出身，鍾意大自然地方，應該會接受！（佢願意同你一齊冒險？）唔好啦！有啲咩事都需要人哋照顧，不過佢比起我更加勇敢，佢體能好，我就成日跌親，同埋我鍾意自己一個人去旅行，唔係成班人一齊去，呢個係我對旅行嘅小執着！」