康華五位數買金祝賀
康華和韋家雄感情要好，她表示要在對方婚宴上做「兄弟」。由於家雄被稱暖男，又得女生歡心，康華坦言他的爛Gag令她笑破嘴：「當年我哋拍劇集《守業者》，我好難忘佢一句笑話，我喺泰國買咗啲豬肉乾返嚟，請大家食，佢可以話呢啲『恐龍春袋皮』好好食，喺邊度買o架？我真係畀佢笑死！佢係任何情況下都搞到笑o架！」
對於家雄再婚覓得真愛，康華很戥他開心，並大讚Keynes是一位大方的女生，問二人感情要好，可擔心阿嫂呷醋？她說：「我哋一齊食過飯，佢好大方、好易相處，係一個好純嘅女仔，如果要呷醋，除咗我同家雄有合作，仲有好多女演員同佢有演出，所以要呷醋就好忙喇，我覺得佢哋咁Sweet，互相信任，唔會有問題，我同Keynes都好好o架！」