姜皓文初拍TVB劇未使入獄

姜皓文加入無綫拍劇，合作開心，直豎拇指。

黑仔指今次拍劇，外景多廠景少，故未有經歷地獄式的拍攝時間表，自嘲說：「未有拍劇拍到入TVB血！」他還盛讚楊明是位「好搏」的演員：「有啲打鬥戲我要箍實佢，佢都叫我大力啲，唔使就！」又大爆另一拍檔惠英紅拍劇後變成開籠雀，他說：「佢好多嘢講，係拍得好開心先會咁。」

回禮向黑仔送高帽

楊明對於獲姜皓文讚賞當然高興，還「回禮」向對方笠高帽：「佢係個好好嘅對手，拍得好舒服，即使有打戲佢都關心我，我叫佢放啲，但佢怕整傷我。（拍打戲女友莊思明係咪好擔心？）唔擔心，我咁勁！大家都係演員，拍爆破戲自己都會小心啲啦！」

至於Ben帶病開工，已病了近一星期的他直言怕影響工作，有指他明年守喪期滿，就會迎娶家族做內褲生意的女友張寶兒，成為千億女婿，Ben表示不想回應：「依家唔適合講呢啲嘢，呢啲係大家編嘅故事，唔想回應咁多喇！」

姜皓文（右起）與袁偉豪、楊明有講有笑，唔似初合作。

袁偉豪帶病開工，一樣落力同楊明做對手戲。