譚嘉荃遊馬耳他專睇石頭

歌手譚嘉荃(Amy)早前與朋友去馬耳他旅行,她對這個國家評價甚高,大讚當地風景及建築物十分漂亮,可惜行程中遇上阻滯:「因為喺香港出發delay咗,去到土耳其轉機已錯過航班,搞到前後等咗成十個鐘,但因為啲時間唔係連住,所以保險唔包。」

儘管有一個不太順利的開始,但美麗的風景讓Amy覺得一切也值得:「喺當地好悠閒,係咁睇古蹟同埋石頭,雖然對好多人嚟講係好悶,但能夠感受當中嘅歷史,同埋加上呢度算係歐洲使費最平嘅國家,同香港差唔多,所以真係玩得好開心!」