唐貝詩開影視公司百萬投資捧自己
藝人唐貝詩（Lydia）早前約滿蕭定一公司，未有續約的她與兩位拍檔豪擲七位數自組工作室及影視公司，實行自己捧自己，並在觀塘租下逾二千呎海景辦公室，計劃與其他投資者製作逾億元內地網劇及電影，揚言目標要將公司上巿。
最近Lydia與兩位拍檔投資開影視公司，談到合作淵源，她坦言最初只是獲邀拍戲，怎料最後變成合作開公司：「我兩位拍檔，一個係導演，一個係監製，佢哋喺內地做開影視投資，有好強嘅內地資源，佢哋本身係香港人，但眼見好多香港製作人退休或者返咗內地發展，本地影壇變得青黃不接，所以就想喺香港開影視公司，全部起用香港班底。我覺得呢個理念好好，我都好有興趣投資，加上演員好被動，自己開公司就有更大自主權。」雖為老闆之一，她強調自己仍是演員身份，會以幕前演出為主。
同步開戲拍劇
由構思至成立只籌備幾個月，但她已鋪排多個計劃，並斟洽其他投資者合作，包括網劇《怪異集》、逾億製作的內地網劇，以及四部電影，均會在今年內開拍。投資不少的Lydia，揚言已封蝕本門：「我哋開戲之前已經傾好播放平台，所以風險好低。我哋雖然年輕，但做事好踏實，會用年輕人思維去諗新故事，仍會用老一輩經驗同原則做生意。」
栽培怕醜妹
除製作外，她透露公司會致力栽培新人，問到會否簽胞妹唐貝欣？她笑言：「如果佢入行，一定係簽畀我，不過佢比較怕醜，可能搵佢客串拍戲。我拍檔成日講笑話要簽我阿媽。」
化妝、髮型：Ice Yee