資深歌手葉麗儀最近推出48周年紀念專輯，當中包括經典歌翻唱及新歌。她特別提到《什麼是永恆》一曲，表示新版跟以前有很大分別，因她為此曲加了首次親手寫的獨白，把兩段婚姻經歷過的事及內心感受說出來：「我同第二任丈夫都有40幾年，真係好感恩我生命中能夠有呢段愛情。」
她坦言錄音時感動到喊：「有一段係寫依家我哋過咗咁多日子，將來有一日得番一個喺度，剩低嗰個就要鼓起勇氣，我每次錄到呢度就會喊到停唔到，惟有再諗點樣寫，於是就轉咗講我哋兩個要珍惜同活在當下，亦盼望攜手迎接未來。（你有幻想過呢件事？）呢個好自然o架啦，好多人都會，但呢啲顧慮都係多餘，因為唔能夠控制，到發生時先嚟面對。」但她坦言與老公做定心理準備，亦已立遺囑。
場地：The Luxe Manor 帝樂文娜公館
化妝：Lauren Lee