杜小喬盼同林峯談情

杜小喬加盟新公司，全力向娛圈發展，更希望與偶像林峯合作。

杜小喬近年在網絡走紅，經常拍片飾演「娘娘」，對於成名，甚至獲封為網絡女神，她說：「完全冇諗過會紅，當初我仲諗搵我拍片嘅人係咪想害我，因為個角色同我太唔相似，角色性格太活潑同多要求，但我本身份人好文靜，估唔到會搵我做呢個角色，做完仲好好彩有回響。」

感激途人邀合照

一嘗走紅滋味的小喬，在街上經常遇路人要求合照，對此她未感煩厭，反而心存感激：「人哋肯花時間睇我啲作品，我當然好感恩，所以每次都會向搵我合照嘅人講多謝兼鞠躬。（男粉絲偏多？）始終異性相吸，同埋我嘅角色好『Girlfriendable』，多數係男仔鍾意我，但依家都愈來愈多女仔留意到我。」

小時候缺乏自信

講到是公認的靚女，她自爆小時候沒有自信：「但我依家對外貌冇咁執着，同埋見到人哋睇到我另外一面，個人變得有自信，從而覺得自己靚咗，呢種靚包括內在。」小喬早前亦加盟新公司，希望向影視方面進發，更想與偶像林峯合作：「我心入面想同佢飾演情侶，但費事畀粉絲打，做佢妹妹嘅角色都滿足嘅。」

林峯	經常飾演「娘娘」的杜小喬，現實中性格文靜，絕不多多要求。	小喬承認異性相吸，所以男粉絲較多。