蘇慧恩焗龍蝦失手得80分！

東網巨星節目《星級煮意》新一集請來蘇慧恩示範「法式芝士焗龍蝦」，在有限設備下仍煮得有板有眼，色香味俱全，不過她卻不太滿意：「我畀自己80分，覺得焗多咗一、兩分鐘，Overcooked，食落熟咗啲，可能因為對住鏡頭，太多嘢要兼顧，所以時間控制得唔係咁好。」

在澳洲生活時，蘇慧恩最愛煮飯仔：「我最叻煮中菜，特別家常便飯，但返香港之後，因為做嘢好忙冇乜時間煮。」問到難忘的烹飪經歷？她說：「我記得好耐之前，整過愛心飯盒畀男友，入面有飯、紫菜、魚蛋、蟹柳，賣相幾好，畀佢食時啲嘢已經凍晒，我覺得應該係勁難食，但佢都要話好食，好慘呀。」

李錦聯：烚熟保水分

星級名廚李錦聯大讚蘇慧恩的「法式芝士焗龍蝦」，但建議可用另一方法炮製龍蝦：「佢將龍蝦開邊煎，變得複雜咗，其實可將龍蝦烚熟或者蒸熟佢，啲肉冇咁易收縮同可保留水分。」

入慣廚房的蘇慧恩，煮得有板有眼。	拆龍蝦肉、鋪上芝士、焗5分鐘	曾在澳洲生活的蘇慧恩，最叻煮中菜。

材料

龍蝦、洋葱、黃椒、青椒、蘑菇、三色芝士、胡椒、鹽、芥辣、cream

步驟

1.龍蝦開邊煎至五成熟後拆肉

2.龍蝦殼入焗爐焗乾

3.龍蝦肉與其他材料一齊炒，再加入三色芝士、cream及調味料

4.將龍蝦肉放入龍蝦殼，鋪上三色芝士

5.放入焗爐焗三至五分鐘

https://bit.ly/2KeQdWO