尚羚嫌棄老公想揀第二個「阿正」

爵士歌手尚羚（前名黃淑玲）近來有不少演出機會，早前她在hmv kafe獻唱，首次在台上唱足一小時，心情有點緊張，最意外是有來自馬來西亞的朋友捧場，她說：「佢哋聽完歌仲買碟支持我，好開心，今次仲有三個結他手同台，分別係Ron Ng、包以正（爵士樂吉他手），仲有我老公阿正。」她指很高興獲老公伴奏，問到對方是否每次都會陪她表演？她笑說：「唔係次次都陪，佢都好Sweet嘅，有時會幫我練吓歌，我唔會夾硬要佢嚟，其實如果畀我揀，我寧願同包以正同羅尚正（資深音樂人）夾多啲添！因為佢哋都係爵士音樂人。」