驚咗港女？周子揚北上發展

藝人周子揚2015年底離開無綫後到內地發展，兩年多來成績不錯，但問到在內地起步時可試過經歷辛酸？他坦言曾遇騙子：「有啲唔係咁專業嘅製片人會搵你拍戲，頭半年有蝕過底，但冇呃我片酬，只係覺得拍完仲要追佢攞錢好煩。」他坦言在內地很多時要應酬，故頭半年在北京差不多每晚都是醉住回家。捱過起步期後，事業發展開始順利，但感情仍然交白卷，他直言擇偶想找內地女生，大讚內地靚女多，而且較香港女生爽朗得多，問到曾與何傲兒拍拖的他是否被香港女生嚇怕？他尷尬地說：「又唔會嘅，我以前嘅香港女朋友性格都好好，我都祝佢（何傲兒）工作愈嚟愈好，搵到鍾意嘅另一半，耐唔耐睇微博見到佢好努力工作，但我哋冇聯絡。」