陶大宇梁榮忠勇哥義仔搶食兄弟班

講咩講到咁開心？

有份演出《刑事》系列的男主角陶大宇，早前出席監製潘嘉德搞的台前幕後重聚飯局，大批演員均有出席，梁榮忠當日因身在海外而未有現身，不過，「勇哥」與「義仔」原來一早聚過頭。

日前二人再組兄弟班，為健康食品廣告拍攝一段融入《刑事》角色及劇情的廣告片，大宇再演「勇哥」查案，更親身演繹最為人知曉的「車匙」式英文名發音，他將廣告片女角Jessica讀為「車匙ca」，另外又再度展現招牌「掩面」動作，場面爆笑，連大宇自己都忍俊不禁，為現場工作人員帶來歡樂。他笑說：「乜我原來都幾多搞笑經典，個掩面動作係喺《心花放》做嘅，只係一個設計，冇諗過變成自己個Icon，拍廣告都話要我做番呢個動作，既然係咁，我都想將呢個咁個人化嘅Icon搞啲商品，娛樂吓大眾！」

陶大宇	掩面動作已成為陶大宇的Icon。	梁榮忠「復出」幕前，跑到氣咳。

「復出」喪跑喘晒氣

而梁榮忠多年未有演出，今次「復出」，全因老友大宇的關係，他透露已有半退休心態，希望往後時間除了做喜歡的幕後工作或遊歷不同地方外，以最貼地的形式享受人生，故對於幕前演出或訪問都興趣不大。今次拍攝，他再度「義仔」上身，跑幾條街搶能量棒都有點氣咳，但見番老友又回復生氣，傾到笑不停，並說：「《刑事》飯局我去唔到，但會再約佢哋敍舊嘅！」

睇真啲，唔係揸槍嘅……

陶大宇與梁榮忠雞啄唔斷話當年。